ملتان (صفدرعلی بخاری سے )  لاہور ہائیکورٹ ملتان بنچ نے عام انتخابات میں شاہ محمود قریشی کو ہرانے والے نوجوان سلیمان نعیم کی نااہلی کا فیصلہ معطل کردیا۔تفصیلات کے مطابق ملتان سے پی پی 217 پرآزاد حیثیت میں منتخب ہوکر تحریک انصاف میں شامل ہونے والے ایم پی اے سلیمان نعیم کی نااہلی کا فیصلہ لاہور ہائیکورٹ ملتان بینچ نے معطل کردیا ہے۔ سلیمان نعیم کو الیکشن کمیشن نے کم عمری پر نا اہل قرار دیا تھا تاہم الیکشن کمیشن کے فیصلے کیخلاف سلیمان نعیم نے لاہور ہائیکورٹ ملتان بنچ میں درخواست دائر کی تھی ۔ لاہور ہائیکورٹ ملتان بنچ نے الیکشن کمیشن اور تمام فریقین سے 6 نومبر تک جواب طلب کر لیا ہے۔