9

پاک سعودی تعلقات میں بگاڑپیداکرنےوالوں کےعزائم خاک میں مل گئے، وزیر خارجہ

ملتان: وزیر خارجہ شاہ محمود قریشی کا کہنا ہے کہ پاک سعودی تعلقات میں بگاڑ پیدا کرنے والوں کےعزائم خاک میں مل گئےملتان میں میڈیا سے بات کرتے ہوئے شاہ محمود قریشی نے کہا کہ وزیر اعظم نے سعودی ولی عہد کی دعوت پر 3 روزہ دورہ کیا، دورہ سعودی عرب میں محمد بن سلمان سمیت دیگر حکام سے اچھے ماحول میں اہم امور پر بات چیت ہوئی، دورے کے دوران سعودی عرب سے بات چیت کے 3 دور ہوئے، ولی عہد محمد بن سلمان اور وزیر اعظم عمران خان کے درمیان ون آن ون ملاقات بھی ہوئی۔وزیر خارجہ کا کہنا تھا کہ دورہ سعودی عرب سے پاک سعودی تعلقات میں بگاڑ پیدا کرنے والوں کےعزائم خاک میں مل گئے، سعودی عرب کے ساتھ 5 معاہدے ہوئے ہیں، سعودی پاکستان اسٹریٹجک سپریم کونسل کا قیام عمل میں لایا گیا ہے، جس کے ذریعے مختلف شعبوں میں تعاون کو فروغ دیا جائے گا۔ اس کے تحت باقاعدہ ادارہ جاتی رابطے ہوں گے جس کے تین ستون ہوں گے، ایک سیکیورٹی اور سیاسی ستون ہے جس کی سربراہی پاکستان کا وزیر خارجہ کرے گا، دوسرا ستون معیشت سے متعلق ہے جس کی سربراہی پاکستان کا وزیر خزانہ کرے گا جبکہ تیسرا ستون ثقافتی رابطوں میں تعاون کی سربراہی پاکستان کا وزیر ثقافت کرے گا۔

اس خبر پر اپنی رائے کا اظہار کریں

اپنا تبصرہ بھیجیں